Хацкевіч распавёў, як у кіеўскім «Дынама» жартуюць з беларуса Корзуна
2- 25.10.2016, 18:13
- 25,005
Паўабаронцу нацыянальнай каманды Беларусі называюць не футбалістам, а хакеістам.
Галоўны трэнер нацыянальнай каманды ў футболе Аляксандр Хацкевіч распавёў у эфіры тэлеканала «Беларусь 5», як жартуюць з беларускага футбаліста ва ўкраінскіх клубах, паведамляе tut.by.
«Калі гуляў за «Дынама» Кіеў, з нас з Бялькевічам не жартавалі. Гэта адразу ў Мікіты Корзуна нашага спытайце. Яго нават футбалістам не называюць, а хакеістам, яшчэ нешта.
Кажуць: «Чаго ты сюды прыехаў, хакеіст. У вас жа хакейная краіна». У гэтым плане ў хлопцаў гумар ёсць. А нас з Валянцінам што там? «Бульбяныя» казалі», - распавёў Хацкевіч.
Поўную версію інтэрв'ю з Хацкевічам, якому 19 кастрычніка споўнілася 43 гады, глядзіце ў відэа.