Еўрапарламент пазбавіў імунітэту Жан-Мары Ле Пэна
2- 25.10.2016, 18:23
- 15,179
Запыт на пазбаўленне парламенцкага імунітэту ў дачыненні да заснавальніка партыі «Нацыянальны фронт» быў накіраваны Францыяй.
Дэпутаты Еўрапарламента (ЕП) пазбавілі імунітэту заснавальніка партыі «Нацыянальны фронт» Жан-Мары Ле Пэна. Галасаванне ў гэтым пытанні адбылося падчас сесіі ЕП у Страсбургу.
Запыт на пазбаўленне парламенцкага імунітэту ў дачыненні да яго быў накіраваны Францыяй: былы лідар «Нацфронту» праходзіць у якасці абвінавачанага ў справе аб антысеміцкіх выказваннях у дачыненні да вядомага французскага спевака з габрэйскімі каранямі Патрыка Бруэля, піша ТАСС.
Скандал выліўся ў Францыі яшчэ ў 2014 годзе. Тады з крытыкай у дачыненні да Жан-Мары Ле Пэна выступіла нават ягоная дачка - Марын Ле Пэн, а таксама дзейнае кіраўніцтва «Нацфронту».