Моцнага пладова-ягаднага віна стане значна больш

Урад удвая паменшыў квоты на выпуск беларускай «тэкілы» і істотна павялічыў на моцныя «віны».

Беларускі ўрад за квартал да завяршэння года падкарэктаваў аб'ёмы квот на вытворчасць алкаголю, што рэалізуюцца на мясцовым рынку, паведамляе «Ежедневник».

Удвая скарочана квота на выпуск беларускай тэкілы (з 20 да 10 тыс. дал), сур'ёзна зрэзаныя планы вытворчасці рому і віскі. Дазвол на вытворчасць рому скарочаны з 32 тыс. да 18 тыс. дал, на вытворчасць віскі - з 103 тыс. да 77 тыс. дэкалітраў.

Таксама зменшаны квоты на вытворчасць гарэлкі і лікёра-гарэлачных вырабаў (з 11 603 тыс. да 11 330 тыс. дал), «вінаў пладовых мацаваных марачных, палепшанай якасці і спецыяльнай тэхнолагі» (з 10 869 тыс. да 9 779 тыс. дал) і этылавага спірту-сырцу (з 1 350 тыс. да 1 215 тыс. дал).

Наадварот, павялічаныя дазволеныя аб'ёмы ў каньяку (з 377 тыс. да 422 тыс. дал), вінам фруктова-ягадным (з 585 тыс. да 660 тыс. дал), вінам вінаградным (з 3 473 тыс. да 3 498 тыс. дал) , брэндзі (з 45 тыс. да 48 тыс. дал) і этылавага спірту рэктыфікаванага (з 6 820 тыс. да 7020 тыс. дал).

Непарушныя засталіся квоты вытворчасці савецкага шампанскага і іншых пеністых він (1 700 тыс. дал) і кальвадосу (11 тыс. дал).