Зяленскі падзякаваў Палаце прадстаўнікоў ЗША за ўхваленне дапамогі Украіне
3- 20.04.2024, 21:17
- 5,120
Гэтая пастанова, паводле словаў украінскага прэзідэнта, выратуе «тысячы і тысячы жыццяў».
Прэзідэнт Украіны Уладзімір Зяленскі пракаментаваў ухваленне 20 красавіка ў Палаце прадстаўнікоў ЗША законапраекта, які прадугледжвае вылучэнне амаль 61 мільярда даляраў дапамогі Кіеву і хаўруснікам.
Пра гэта ён напісаў у X (Twitter).
Я вдячний Палаті представників Конгресу США, обом партіям і особисто спікеру Майку Джонсону за рішення, яке зберігає правильний хід історії.
— Volodymyr Zelenskyy / Володимир Зеленський (@ZelenskyyUa) April 20, 2024
Демократія та свобода завжди матимуть значення у світі й ніколи не зазнають поразки, доки Америка допомагатиме їх захищати. Життєво…
Кіраўнік дзяржавы выказаў падзяку ніжняй палаце Кангрэса ЗША, абедзвюм партыям і асабіста спікеру Майку Джонсану за «пастанову, якая захоўвае правільны ход гісторыі».
«Дэмакратыя і свабода заўсёды будуць мець значэнне ў свеце і ніколі не пацерпяць паразы, пакуль Амерыка будзе дапамагаць іх абараняць. Жыццёва важны законапраект пра дапамогу ЗША, прыняты сёння Палатай прадстаўнікоў, дапаможа прадухіліць распаўзанне вайны, захавае тысячы і тысячы жыццяў і зробіць абодва нашыя народы мацнейшымі», – мяркуе прэзідэнт.
Зяленскі таксама выказаў надзею, што законапраект падтрымаюць у Сенаце і накіруюць на разгляд прэзідэнту Джо Байдэну.
