Рагачоўская ці глыбоцкая: венесуэлка параўнала дзве легендарныя беларускія згушчонкі
51- 27.04.2024, 20:14
- 20,164
Якую выбрала?
Якая беларуская згушчонка смачнейшая — рагачоўская ці глыбоцкая? Гэтая спрадвечная спрэчка беларусаў, якая стала ўжо легендарнай, зноў успыхнула ў інтэрнэце.
На гэты раз хворым практычна для кожнага беларуса пытаннем задалася карыстальніца сацсеткі Tik Tok Кай (kaylapine), якая прыехала з далёкай Венесуэлы. Яна пакаштавала абедзве згушчонкі і вынесла свой вердыкт.
@kaylapine КАКАЯ СГУЩЕНКА ВАМ НРАВИТСЯ БОЛЬШЕ? #fyp #кай #венесуэла #венесуелькая #латина #латинскаяамерика #сгущенка #рогачев #молоко #сладости #пробуюеду #пробую #продукты #обзор #беларусь #обзореды #фудблог #фудблогер #tiktok #тикток #тиктокбеларусь #минск #какая ♬ sonido original - Кай
Дзяўчына ацаніла ўлюбёны ласунак беларускіх ласуноў і па вонкавым выглядзе, і па смакавых якасцях.
Дызайн ёй прыйшоўся больш па душы на бляшанцы з Рагачова, на якой апроч каровы намаляваны яшчэ і стыльныя замалёўкі вясковых матываў.
Таксама яе ўразіў «вельмі белы» колер рагачоўскай згушчонкі, тады як у згушчонкі з Глыбокага колер выявіўся хутчэй бэжавым.
Што да смаку, то, са слоў аўтара відэа, у глыбоцкай згушчонкі ён не такі прыкра-салодкі, як у рагачоўскай. Смак апошняй ёй нагадаў смак свежага малака. Дадаткова дзяўчына адзначыла больш вадкую кансістэнцыю глыбоцкай згушчонкі, а яшчэ - «боскі» пах прадукту абодвух вытворцаў.
У выніку Кай прызналася, што сама - не аматарка вельмі салодкіх прадуктаў, таму калі б ёй давялося выбіраць, яна аддала б сваю перавагу згушчонцы з Глыбокага.
Безумоўна, відэа менш чым за дзень набрала дзясяткі тысяч праглядаў, а ў каментарах гледачы ахвотна дзяліліся сваім меркаваннем, якая беларуская згушчонка смачнейшая.
«Гэта адвечная бітва не скончыцца ніколі! Няма сэнсу спрачацца», - адзначыў адзін з каментатараў. Іншы, падтрымаўшы яго, падкрэсліў, што «паміж легендамі не выбіраюць».