«Вось і надумалі заняцца пірацтвам»

Злодзеі і рабаўнікі па-іншаму і жыць не могуць.

У рэдакцыю сайта Charter97.org напісала чытачка Анастасія з Гомеля:

- Мой муж - аматар футбола, з цікавасцю глядзіць Лігу чэмпіёнаў, ангельскую Прэм'ер-Лігу, Кубак свету і Еўропы ў футболе. Пасля 2020-га года ў нас з ім была размова аб тым, што сваім хобі ён падтрымлівае грашыма БТ, дзе трансляваліся гульні. Бо гэта былі адзіныя перадачы, якія мы глядзелі са ўсяго тэлевізійнага пакета.

Пасля падзей 2020-га трансляцыі з «недружалюбных краін» паказваць перасталі, і мы тут жа адключылі гэты пакет. Памятаю званок - апытанне, чаму мы адмаўляемся ад паслуг. Адказ быў кароткі: няма футбола - няма пакета.

І вось на днях чытаем навіну, што Кубак Еўропы ў футболе ўсё ж пакажуць, толькі пірацкую версію. Мусіць, такіх адмоў ад іх паслуг яны атрымалі шмат, бо ніякімі «азвяронкамі» колькасць праглядаў не падняць. А падняць ох як трэба!

Вось і надумалі заняцца пірацтвам! Яно і не дзіўна: злодзеі, рабаўнікі і забойцы па-іншаму і жыць не могуць. Такая іх натура: не скраў - не пражывеш. Не падмануў - пражыў дзень дарма. Не правёз кантрабанду - не азалаціўся.

Аб прэстыжы і рэпутацыі думаць жа не трэба, бо іх даўно няма. Дакладней, рэпутацыя зладзеяў ёсць, і яе старанна падтрымліваюць.

Але ж і беларусы не дурні - пірацкую версію можна паглядзець і ў інтэрнэце без дапамогі БТ.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com