СМІ: Кадыраў рыхтуецца да ўцёкаў з Чачэніі

Разглядаюцца два варыянты «запаснога аэрадрома».

Кіраўнік Чачэніі Рамзан Кадыраў усяляк спрабуе прадэманстраваць бадзёрасць духу і цела, аднак чуткі аб сур'ёзных праблемах са здароўем - небеспадстаўныя.

Як паведамляюць крыніцы расейскага тэлеграм-канала «Маскоўская пральня», невядома, як доўга лекары змогуць падтрымліваць стан кіраўніка Чачэніі на цяперашнім узроўні.

Разумеючы незваротнасць працэсаў, Кадыраў спрабуе заручыцца гарантыямі Масквы аб пераемнасці для свайго клана да таго моманту, калі ён стане цалкам недзеяздольным.

У якасці пераемніка пакуль узгодненая кандыдатура «прызнанага к'онаха чачэнскага народа», а таксама «героя ўсіх мусульман» - 16-гадовага Адама Кадырава, якому спачатку будзе дапамагаць Адам Дэлімханаў.

У той жа час, паводле інфармацыі крыніц, пытанне з пазбаўленнем Чачэніі прывілеяванага статусу пасля выхаду з гульні Рамзана Кадырава дэ-факта развязанае. Незайздросная доля чакае і асяроддзе Кадырава.

Мяркуючы па ўсім, кіраўнік Чачэніі разумее, што ўсе дасягнутыя дамоўленасці аб перадачы ўлады і гарантыі бяспекі дзейнічаюць роўна датуль, пакуль ён сам дзеяздольны. Ахвочых зачысціць Чачэнію ад клана Кадырава створыцца чарга - як на федэральным узроўні, так і на рэгіянальным.

У якасці запаснога аэрадрома для ўласнай сям'і Рамзан Кадыраў разглядае Савудаўскую Арабію і ААЭ. Асабліва актывізаваўся кіраўнік Чачэніі пасля таго, як сітуацыя з арыштам намесніка міністра абароны РФ Цімура Іванова прадэманстравала, што недатыкальных няма, і біць можна нават па Шайгу.