У Арменіі пратэстоўцы перакрылі трактарам трасу ў Іран

На знак пратэсту супраць дэлімітацыі армяна-азербайджанскай мяжы.

У Арменіі грамадзяне перакрылі трактарам адрэзак трасы ў Іран на знак пратэсту супраць дэлімітацыі армяна-азербайджанскай мяжы, паведаміў рух «Тавуш за Радзіму» на сваёй старонцы ў Facebook.

Пратэстоўцы заблакавалі рух па аўтадарозе Арменія – Іран у раёне горада Ехегнадзор.

Трасу перакрылі грамадзяне на легкавых аўтамабілях, трактар жа выкарыстоўваецца толькі адзін.

Паліцыянты запатрабавалі ад уладальніка трактара разблакаваць рух, аднак той заявіў, што машына зламалася.

На знак пратэсту грамадзяне таксама перакрылі трасу Ерэван – Гюмры, піша выданне.