Нацбанк ідзе на павышэнне РВСР
1- 29.04.2024, 12:50
- 10,896
Што гэта значыць для беларусаў?
Нацбанк апублікаваў разліковыя велічыні стандартнай рызыкі (РВСР), якія будуць дзейнічаць у траўні. Гэта адсоткавая столь у банкаўскіх крэдытах, найперш- на нерухомасць.
Рэгулятар надумаў падняць РВСР упершыню за апошнія чатыры месяцы. Нагадаем, раней Нацбанк заяўляў аб інфляцыйных і дэвальвацыйных рызыках для беларускай эканомікі, якія звязаны ў тым ліку з тым, што насельніцтва і бізнэс актыўна набіраюць крэдыты.
РВСР для фізічных асоб у траўні павялічаць да 17,22% (цяпер - 16,63%), а для юрыдычных асоб - да 11,98% (цяпер - 11,61%). На гэтую столь павінны арыентавацца банкі, калі выстаўляюць адсоткавыя стаўкі за крэдыты, іх нельга перавышаць. Гэта значыць банкі ў наступным месяцы не будуць падвышаць стаўкі за крэдыты на нерухомасць праз РВСР.