Верхавод забайкальскіх бандытаў паехаў ваяваць супраць Украіны

Яго вызвалілі з расейскай калоніі.

Верхавод забайкальскай злачыннай групоўкі «Мецэнатаўскія» Дзмітрый Вядзернікаў адправіўся з калоніі на вайну супраць Украіны. Ён быў прысуджаны ў 2011 годзе да 24 гадоў і 4 месяцаў пазбаўлення волі за бандытызм, забойствы і крадзяжы. Пра гэта паведаміў партал «Чита.Ру» са спасылкай на ўласныя крыніцы.

У кастрычніку 2023 года Дзмітрый Вядзернікаў ужо прасіўся на вайну, але тады яму адмовілі. Пасля гэтага ён напісаў ліст дэпутату Дзярждумы РФ ад Забайкалля Андрэю Гурулёву і губернатару краю Аляксандру Восіпаву з просьбай дапамагчы яму адправіцца на фронт. У лісце Дзмітрый Вядзернікаў распавядаў пра свае якасці, якія могуць дапамагчы на вайне

«Адкрыю сакрэт, пра які хацелася б забыцца, - ёсць маса відавочцаў, як я стрэлам расстрэльваю падкінутую ўверх талерачку. У мяне тры разы стралялі і адзін раз мяне падрывалі - гэта не спалохала мяне, так што можна сказаць, што ў нейкай меры я абстраляны. Напэўна, ніхто так не ведае цану свабодзе, як зэк», - адзначаў Вядзернікаў у лісце.