NYT: Расея спрабуе прарваць лінію фронту

Акупанты спрабуюць выкарыстоўваць "акно магчымасцяў".

Расія спрабуе павялічыць сваю перавагу на ўсходзе Украіны і прарваць лінію фронту, выкарыстоўваючы час, пакуль Украіна чакае прыбыцця першай партыі вайсковай дапамогі ад ЗША, гаворыцца ў матэрыяле The New York Times.

Адзначаецца, што ў апошнія тыдні расейскія войскі захапілі ці ўвайшлі ў шэраг вёсак на ўсходнім фронце, што сведчыць аб пагаршэнні сітуацыі ў рэгіёне для ўкраінскіх войскаў, пра якую, заяўляў і гетман УСУ Аляксандр Сырскі 29 красавіка, адзначыўшы, што ўкраінскія байцы адступілі з трох вёсак паблізу Аўдзееўкі — Бердзічаў, Сямёнаўкі і Новаміхайлаўкі.

Ваенныя экспэрты кажуць, што нядаўнія поспехі Расеі паказваюць яе імкненне выкарыстоўваць «акно магчымасцяў» для працягу нападаў да таго моманту, пакуль ва Украіну не прыбыла першая партыя вайсковай дапамогі, якая дапаможа аблегчыць становішча яе Сіл абароны.

NYT таксама падае словы кіраўніка няўрадавай даследчай групы Украінскі цэнтр бяспекі і супрацоўніцтва Сяргея Кузана, які заявіў, што ўкраінскае камандаванне павінна было зрабіць "выбар паміж дрэннай сітуацыяй і яшчэ горшай" і пастанавіла страціць тэрыторыі, а не жаўнераў.

Сітуацыя таксама ўскладняецца тым, што расейскім войскам удалося прарваць паўночную частку абарончай лініі і хутка рушыць наперад да сяла Ачарэціна, размешчанага на дарозе, якая вядзе ў Пакроўск. Пры гэтым як піша газета, пакуль невядома, ці атрымалі расейскія войскі поўны кантроль над ім.