Хаві патлумачыў сваю пастанову застацца галоўным трэнерам «Барселоны»
- 30.04.2024, 19:14
- 1,330
У студзені ён абвясціў, што сыдзе з клуба пасля заканчэння цяперашняга сезона.
Галоўны трэнер «Барселоны» Хаві адказаў на пытанне аб тым, чаму раздумаўся і наважыў застацца ў каталонскай камандзе пасля заканчэння цяперашняга сезону.
Хаві ў верасні мінулага года падоўжыў кантракт да лета 2025-га, а ў канцы студзеня паведаміў, што пакіне каманду ў канцы сезона. 25 красавіка «Барселона» абвясціла, што Хаві застаецца.
«Я ў поўным парадку. У студзені я адчуў адказнасць за тое, што адбываецца. Але цяпер сітуацыя змянілася, і менавіта таму я пагаварыў з прэзідэнтам «Барселоны» [Жаанам Лапортам]», - цытуе Хаві AS.
Са слоў Хаві, «Барселона» заўсёды для яго застаецца на першым месцы. «Каталонцы і заўзятары клуба вельмі эмацыйныя. Часам у нас усё атрымліваецца, часам мы ўсё руйнуем. Я адчуў падтрымку з боку клуба, Дэку (спартыўны дырэктар «Барселоны». - Заўв.) і гульцоў», - дадаў Хаві.
Трэнер узначальвае «Барселону» з 2021 года і ў мінулым сезоне прывёў яе да чэмпіёнства і перамогі ў Суперкубку. У гэтым сезоне «Барселона» адстае ад лідара «Рэала» на 11 балаў за пяць тураў да канца.
Хаві гуляў за «Барселону» з 1998 да 2015 года. Гішпанец правёў 767 матчаў у складзе каманды, па гэтай колькасці ён уступае толькі Ліянэлю Мэсі (778 матчаў). За гэты перыяд Хаві здабыў 25 трафеяў, уключаючы восем тытулаў чэмпіёна Гішпаніі і чатыры Лігі чэмпіёнаў.