«Пуцін дагуляўся з імпартазамяшчэннем»
7- 10.05.2024, 18:27
- 15,684
Сітуацыя з тэхнікай становіцца ўсё горшай.
У рэдакцыю сайта Charter97.org напісаў чытач Аляксандр:
- Пуцін дагуляўся з імпартазамяшчэннем. У сённяшняй аварыі ў Санкт-Пецярбургу ўжо мінімум трое загінулых пасажыраў. Яшчэ шасцёра знаходзяцца ў рэанімацыі.
Лукашыстам пашанцавала, што на гэты раз у аварыю патрапіў не МАЗ, а расейскі Volgabus ад канцэрна «Валжанін». Да гэтага дзясяткі разоў здараліся аварыі з МАЗаўскай тэхнікай праз замену заходніх камплектуючых.
Апошняя буйная была на Клімавіцкім тракце пад Менскам. Аўтобус таксама страціў кіраванне. У выніку былі дзясяткі пацярпелых, абышлося без смерцяў. Але прычыны аварыі ўсё тыя ж - імпартазамяшчэнне.
Расейскія СМІ пішуць, што Volgabus-4298 2022-га года выпуску, які трапіў сёння ў аварыю. І за апошнія два гады гэта ў яго дзявятая аварыя.
Пасля развязанай Пуціным вайны з Украінай і санкцый, якія рушылі ўслед, вытворцы РФ і Беларусі перайшлі на кітайскія дэталі. Водгукі пра тэхніку жудасныя. Аварыі камунальнай тэхнікі павялічыліся ў разы. І ўжо прывялі да смерцяў.
Цяпер толькі засталося дачакацца, калі самалёт упадзе.