Генштаб: УСУ паставілі рэкорд у абясшкоджванні расейскіх акупантаў за дзень

Генштаб: УСУ паставілі рэкорд у абясшкоджванні расейскіх акупантаў за дзень

Генштаб: УСУ паставілі рэкорд у абясшкоджванні расейскіх акупантаў за дзень

Учора, 12 траўня, расейскае акупацыйнае войска панесла рэкордныя страты на 1740 жаўнераў (з папярэдніх звестак, сюды ўваходзяць забітыя, параненыя і ўзятыя ў палон), інфармуе Генеральны штаб УСУ на сваёй афіцыйнай старонцы ў сацыяльнай сетцы «Фэйсбук».

Варта адзначыць, што такой колькасці абясшкоджаных за адзін дзень захопнікаў РФ падчас гэтай поўнамаштабнай вайны яшчэ не назіралася. У той жа час усе баявыя страты асабовага войска РФ за перыяд з пачатку ўварвання з 24 лютага 2022 да 13 траўня 2024 года прыблізна складаюць 484 030 чалавек.

Акрамя таго, са звестак Генштаба УСУ, расейскія захопнікі 12 траўня страцілі 31 танк, 42 баявыя браняваныя машыны, блізу 59 адзінак аўто і цыстэрнаў, 26 беспілотнікаў, а таксама шмат адзінак іншай тэхнікі, поўныя звесткі падаюцца ў зводнай табліцы, апублікаванай украінскім абаронным ведамствам.