Нацбанк запусціў варштат?
2- 15.05.2024, 14:21
- 3,374
У Беларусі прадаўжае расці аб'ём гатовых грошай у абарачэнні.
Аб'ём гатовых грошай у абароце ў красавіку расце трэці месяц запар і склаў 10,1665 млрд рублёў. Пра гэта сведчаць звесткі Нацбанка. Месяцам раней аб'ём гатовых грошай упершыню перавысіў 10 млрд.
Рублёвая грашовая маса ў красавіку пры гэтым крыху зменшылася — з 42,5 млрд да 42,466 млрд. У той жа час шырокая грашовая маса на 1 траўня склала больш за 76,8 млрд, за месяц яна вырасла амаль на 200 млн.
Акрамя таго, cа звестак рэгулятара, у красавіку сярэдні аб'ём тэрміновых рублёвых дэпазітаў насельніцтва павялічыўся на 191,7 млн - да 8,831 млрд. Пры гэтым у юрыдычных асоб яны скараціліся: з 8,496 млрд да 8,289 млрд.
Што тычыцца валютных укладаў, за месяц яны выраслі з $10,374 млрд да $10,415 млрд. Як і месяцам раней, рост адбыўся за кошт павелічэння аб'ёмаў дэпазітаў юрыдычных асоб: з $5,903 млрд да $5,957 млрд. У той жа час дэпазіты грамадзян у валюце працягваюць скарачацца: з $4,471 млрд да $4,458 млрд.