Сіноптыкі расказалі беларусам, дзе на Вялікдзень будзе да +26°C

Ці чакаць дажджы і навальніцы?

Паводле прагнозаў беларускіх сіноптыкаў, на Вялікдзень беларусаў чакае цяпло да +26°С, але месцамі кароткачасовых дажджоў усё ж не ўнікнуць. Ці зменіцца нешта з панядзелка?

Як расказалі спецыялісты «Белгідрамета», у святочную нядзелю, 5 траўня, на надвор'е ў Беларусі паўплывае франтальны раздзел цыклону, які рухаецца з боку Фінляндыі. Па краіне будзе назірацца пераменная воблачнасць, а месцамі пройдуць кароткачасовыя дажджы, недзе нават, магчыма, з навальніцамі.

Уначы і раніцай у асобных раёнах беларусы могуць назіраць слабы туман. Уначы слупок тэрмометра будзе вагацца ў межах ад +5 да +12°С, а днём па поўначы пакажа ад +17°С, а па паўднёвым захадзе да +26°С, расказалі сіноптыкі.

У панядзелак, 6 траўня, умовы надвор'я вызначаць атмасферныя франты з Заходняй Еўропы, мяркуюць у «Белгідрамеце». Надвор'е захаваецца воблачнае, але з праясненнямі. Кароткачасовыя дажджы пройдуць па большай частцы краіны, а ў асобных раёнах трэба чакаць навальніцаў. Днём у некаторых заходніх раёнах магчымы парывісты вецер.

У гэты дзень таксама ноччу і раніцай месцамі можна будзе назіраць слабы туман. Тэмпература ноччу застанецца прыкладна ў тых межах, што і раней: ад +5°С па поўначы краіны і да +13°С па паўднёвым захадзе. Днём па краіне ў сярэднім будзе цёпла, ад 16 да 23°С. Максімальна паветра прагрэецца ў паўднёвых рэгіёнах краіны. Там, паводле звестак «Белгідрамета», варта чакаць да +25°С. У паўночных раёнах традыцыйна будзе больш прахалодна: ад +10 да +15°С. Вецер будзе сярэдні, але днём пяройдзе ў парывісты.

Паводле звестак сіноптыкаў тэлеграм-канала Nadvorie, увесь травень у цэлым для беларусаў будзе на 1.5° цяплейшы за норму і крыху больш сухі, чым звычайна.