Украінскі чэмпіён Еўропы ў цяжкай атлетыцы загінуў на фронце

Аляксандру Пеляшэнку было 30 гадоў.

Украінскі цяжкаатлет, двухразовы чэмпіён Еўропы Аляксандр Пеляшэнка загінуў на вайне з РФ, паведамляецца на старонцы Нацыянальнага алімпійскага камітэта (НАК) Украіны ў Facebook.

Пеляшэнку было 30 гадоў, ён служыў ва УСУ з 2022 года.

Штангіст выступаў у вагавой катэгорыі да 85 кг. Ён перамагаў на чэмпіянатах Еўропы 2016 і 2017 гадоў.

На Алімпіядзе ў Рыа-дэ-Жанэйра ён заняў чацвёртае месца (пасля дыскваліфікацыі за допінг бронзавага прызёра румына Габрыэла Сынкрэяна). Таксама стаў чацвёртым на сусветным першынстве 2015 года.