Ізраільскія танкі ўвайшлі ў Рафах

Бранятэхніка падышла на адлегласць 200 метраў да мяжы з Егіптам.

Уночы ў аўторак, 7 траўня, танкі Войска абароны Ізраіля ўвайшлі ў горад Рафах, што на мяжы сектара Газа з Егіптам на поўдні палестынскага анклава, паведамляе агенцтва Associated Press са спасылкай на егіпецкага і палестынскага чыноўнікаў.

Як гаворыцца ў паведамленні, неўзабаве пасля таго, як Ізраіль пачаў авіяўдары па Рафаху, Ізраільскія танкі ўвайшлі ў Рафах і падышлі на адлегласць 200 метраў ад пункта перасячэння мяжы з Егіптам.

Напярэдадні баевікі ХАМАС забілі чатырох ізраільскіх салдат падчас мінамётнага абстрэлу, які, на заяву Ізраіля, быў ажыццёўлены паблізу КПП "Рафах".

Ізраільскія салдаты і танкі набліжаюцца да палестынскага боку КПП Рафах пасля баёў у так званым Філадэльфійскім калідоры на мяжы паміж Егіптам і сектарам Газа, піша The Times of Israel.

Філадэльфійскі калідор - ізраільскі кодавы назоў вузкай паласы зямлі даўжынёй 14 км, размешчанай уздоўж усёй мяжы паміж сектарам Газы і Егіптам.

Егіпецкі чыноўнік кажа, што аперацыя, здаецца, абмежаваная па маштабах. Ён сцвярджае, што ізраільскія афіцыйныя асобы паведамілі егіпцянам, што войскі будуць выведзеныя пасля заканчэння кропкавай аперацыі.