Украіна стварыла марскія дроны-ЗРК: аналітыкі ацанілі новую зброю

Цяпер расейцам будзе значна складаней змагацца з марскімі беспілотнікамі Украіны.

Расейцы заявілі аб знішчэнні ўкраінскага марскога дрона, абсталяванага ракетамі «паветра - паветра». З'яўленне такой зброі ва УСУ было чаканым і патрэбным, піша вайсковы аналітычны партал Defense Express.

На кадрах, апублікаваных расейцамі, бачныя спробы расейскага гелікаптэра знішчыць марскі дрон. Урэшце гэта ўдаецца зрабіць. Але апублікаваныя кадры сведчаць, што дрон сапраўды быў абсталяваны ракетамі. Дадатковых сістэм навядзення на борце беспілотнага катара не відаць, але, як адзначаюць аналітыкі, ракеты Р-73 (а менавіта пра іх заявілі расейцы) маюць уласную інфрачырвоную галоўку саманавядзення.

Аналітыкі адзначаюць, што раней ужо фіксаваліся даволі паспяховыя спробы паставіць на наземныя платформы ракеты Р73, першапачаткова прызначаныя для выкарыстання на знішчальніках. Такія эрзац-ЗРК стваралі ў Югаславіі і Індыі. Так што нічога фантастычнага ва ўсталяванні гэтых ракет на марскі дрон няма, хоць гэта значна складаней, чым у выпадку з наземнымі платформамі.

- Ёсць і вялізныя праблемы з тым, што марская вада з'яўляецца даволі агрэсіўным асяроддзем і менавіта таму звычайна марскія зенітныя ракеты маюць кантэйнерны запуск. І гэта не кажучы аб качцы, - кажуць у Defense Express.

Таксама аналітыкі назвалі магчымую прычыну таго, чаму дрон не змог збіць расейскі гелікаптэр, які яго атакаваў. Рэч у тым, што ракеты заўсёды маюць не толькі максімальную, але і мінімальную далёкасць дзеяння. Канкрэтна ракета Р-73 можа перахапляць паветраныя цэлі толькі на адлегласці больш як 300 метраў: бліжэй - не. А як бачна на відэа, расейскі гелікаптэр знаходзіўся зусім побач з марскім дронам.

Паколькі менавіта гелікаптэры сталі для расейцаў асноўным сродкам знішчэння ўкраінскіх марскіх дронаў, з'яўленне дронаў-ЗРК было чаканым і вельмі неабходным, гавораць аналітыкі.

«У гатоўнасць да выканання задач прыводзіцца дывізіён аператыўна-тактычнага комплексу «Іскандэр» і эскадрылля самалётаў Су-25. Праверка будзе праведзеная ў адпаведнасці строга з рэгламентам часу, устаноўленым Лукашэнкам. Падчас яе будзе правераны ўвесь комплекс мерапрыемстваў ад планавання, падрыхтоўкі і выкарыстання ўдараў тактычнымі ядзернымі боепрыпасамі», - заявіў кіраўнік Мінабароны Беларусі Віктар Хрэнін.