На выбарах у Вярхоўную Раду Украіны лідзіруе Блок Цімашэнкі

Украіна выбірае новы парламент: пакуль лідзіруе Блок Юліі Цімашэнкі, аднак галоўны канкурэнт – Партыя рэгіёнаў Віктара Януковіча – скарачае адставанне. БЮТ і прапрэзідэнцкі блок "Наша Украіна – Народная самаабарона", паводле дадзеных Цэнтрвыбаркама, у сукупнасці апярэджваюць свайго асноўнага канкурэнта – Партыю рэгіёнаў на чале з прэм'ерам Віктарам Януковічам. Аднак рэгіяналаў пакуль не варта называць бокам, які прайграў: на думку экспертаў, нельга выключаць і з'яўлення шырэйшай кааліцыі ў складзе "Нашай Украіны" і Партыі рэгіёнаў.