Памёр прэзідэнт Рэспублікі Сербскай
- 1.10.2007, 10:01
У нядзелю ўвечары ў Рэспубліцы Сербскай, якая з'яўляецца часткай Босніі і Герцагавіны, ад сардэчнага прыступу сканаў яе прэзідэнт Мілан Еліч.
Як паведамляе France Presse, прэм'ер-міністр рэспублікі Міларад Додзік заявіў журналістам на прэс-канферэнцыі ў сталіцы Баня-Луке: "Прэзідэнт РС памёр. Гэта сумны дзень для нас".
51-гадовы кіраўнік дзяржавы сканаў у шпіталі горада Дабой, куды ён быў шпіталяваны ў нядзелю днём. Еліч быў бізнэсмэнам і эканамістам, ён займаў прэзідэнцкую пасаду з кастрычніка 2006 года.
Рэспубліка Сербская з'яўляецца дзяржаўным стварэннем на тэрыторыі былой югаслаўскай рэспублікі Боснія і Герцагавіна, яна населеная баснійцамі-сербамі і заставалася непрызнанай да канца баснійскай вайны ў 1995 годзе. Дзяржава з сталіцай у Белградзе мае назву Рэспубліка Сербія.
