Кітайскі юань стаў рэзервовай валютай Беларусі
11:53, — Эканоміка
Нацыянальны банк Беларусі зрабіў кітайскі юань адной з рэзервовых валют, гаворыцца ў афіцыйным прэс-рэлізе банка.
Раней паведамлялася, што беларускія манетарныя ўлады могуць уключыць у склад рэзервовых дзве валюты – кітайскі юань і японскую іену.
Цяпер рэзервы Беларусі размяшчаюцца ў трох валютах – амерыканскіх далярах, адзінай еўрапейскай валюце і расейскіх рублях. У прэс-рэлізе Нацбанку падкрэсліваецца, што ўключэнне юаня ў склад рэзервовых валют звязанае як з павелічэннем удзельнай вагі кітайскай эканоміцы ў структуры глабальнага ВУП, так і з развіццём таварных стасункаў паміж Беларуссю і Кітаем.
Для параўнання, Расея трымае золатавалютныя рэзервы ў пяці валютах – далярах, еўра, іенах, брытанскіх фунтах стэрлінгах і швейцарскіх франках.
