Лукашэнка збіраецца змагацца з «дэструктыўнымі сіламі»
3
16:54, — Палітыка
Камітэт дзяржаўнай бяспекі павінен эфектыўна процідзейнічаць замежнаму ўмяшанню ва ўнутраныя справы Беларусі. На гэта звярнуў сёння адмысловую ўвагу Аляксандр Лукашэнка падчас рашэння кадравых пытанняў, паведамілі БелТА ў прэс-службе беларускага лідэра.
"Перабольшваць ролю дэструктыўных сілаў у Беларусі не варта, неабходна проста працаваць па далейшай абароне інтарэсаў беларускай дзяржавы. Трэба звярнуць увагу на каналы фінансавання дэструктыўных сілаў і на іх спробы ўздзейнічаць на маладых людзей. Мы павінны вывесці нашу моладзь з-пад такога знешняга ўплыву, але не ўзяўшы за руку, а падаючы маладым людзям адпаведную інфармацыю пра праўдзівае становішча спраў і пра намеры і дзеянні дэструктыўных сілаў. А такой інфармацыі звыш як дастаткова", – заявіў Аляксандр Лукашэнка.
Сярод прыярытэтных кірункаў дзейнасці КДБ Лукашэнка асоба вылучыў гарантаванне бяспекі ў эканамічнай сферы, выяўленне ценявога бізнэсу ў найбольш важных галінах эканомікі, процідзеянне арганізаванай злачыннасці і карупцыі.
"Важна таксама, каб намаганнямі КДБ раскрываліся буйныя эканамічныя злачынствы, а не дробныя. Неабходна, каб супрацоўнікі камітэта выяўлялі значную інфармацыю ў сферы эканамічнай бяспекі. Ваша праца ў гэтым кірунку не павінна падмяняцца вядзеннем следчых дзеянняў па дробных эпізодах", – сказаў Лукашэнка.
