Намеснік міністра эканомікі: «Масавага продажу дзяржуласнасці расейцам не будзе»
7
14:42, — Палітыка
Рашэнне Расеі аб выдзяленні Беларусі стабілізацыйнага дзяржкрэдыту на $1,5 млрд не абумоўленае прэтэнзіямі расейцаў на беларускую дзяржуласнасць, заявіў на прэс-канферэнцыі ў Менску намеснік міністра эканомікі Беларусі Алег Мельнікаў, які курыруе пытанні прыватызацыі.
"Глабальнага масавага распродажу маёмасці расейскім інвестарам не будзе", – падкрэсліў службовец.
Па словах намесніка міністра, урад пакуль не плануе прадаваць расейцам адзін з двух беларускіх нафтаперапрацоўчых заводаў «Нафтан».
Праўда, выказаўся з гэтай нагоды службовец неяк няўпэўнена. "Пэўнае рашэнне яшчэ не прынятае", – цытуе А.Мельнікава «Інтэрфакс».
