Беларусь купляе расейскія ЗРС С-400
20
17:06, — Войска
Беларусь, якая закупляе ў Расеі зенітна-ракетныя комплексы С-300, разглядае пытанне аб магчымасці набыцця новых зенітна-ракетных сістэм С-400.
Гэта пацвердзіў старшыня дзяржаўнага ваенна-прамысловага камітэта Беларусі Мікалай Азаматаў, перадае NEWSru.com. "Беларусь у будучыні, верагодна, закупіць расейскую зенітную ракетную сістэму С-400 "Трыумф", – паведаміў ён журналістам у сераду.
Нагадаем, у жніўні мінулага года паведамлялася, што Беларусь звярнулася да Расеі з заяўкай аб пастаўцы двух дывізіёнаў ЗРС С-400 "Трыумф" да 2010 года. Але тады крыніцы ў расейскім ваенна-прамысловым комплексе РФ паведамілі, што ўсе вытворчыя магутнасці прадпрыемстваў расейскага ВПК будуць занятыя выкананнем замоў для ўласнага войска. Тады ж гендырэктар НВА "Алмаз" Ігар Ашурбейлі заявіў, што цягам двух найбліжэйшых гадоў "Трыумф" неабходна абкатаць у войсках, а потым, пасля ліквідацыі магчымых недахопаў, у 2009 годзе падрыхтаваць прадукцыю да экспартных паставак.
Па словах Азаматава, "інтарэс Узброеных сілаў рэспублікі да сістэмы выкліканы вынікамі выпрабаванняў ЗРС С-400, прыняццем яе на ўзбраенне і пастаноўкі на баявое дзяжурства ў войскі СПА Расейскай Федэрацыі, а таксама з улікам тактыка-тэхнічных характарыстык сістэмы, якія значна ўзраслі ў параўнанні з ЗРС С-300", паведамляе РІА "Новости".
"Паводле інфармацыі расейскага боку, не выключана, што пастаўкі ЗРС С-400 на экспарт могуць пачацца ўжо з 2009 года. Прынамсі, кіраўніцтва НВА "Алмаз" не адмаўляе магчымасці правядзення адпаведных перамоваў аб пастаўках дадзенай сістэмы на экспарт", – сказаў Азаматаў.
Паводле дадзеных ваенна-прамысловага камітэта Беларусі, зенітная ракетная сістэма С-400 "Трыумф" цяпер праходзіць у войсках СПА Расеі дасведчаную эксплуатацыю. Паводле яе вынікаў будуць ліквідаваныя выяўленыя недахопы, праведзеныя неабходныя дапрацоўкі матэрыяльнай часткі сістэмы і дакументацыі. Эксплуатацыя падоўжыцца цягам двух гадоў, і толькі пасля гэтага расейская прамысловасць да 2015 года пачне абсталёўваць серыйнымі ЗРС С-400 найперш уласныя войскі СПА.
Цяпер на тэрыторыі Беларусі на баявым дзяжурстве стаяць тры комплексы С-300. Летась Беларусь пранансавала куплю расейскіх ракетных комплексаў "Іскандэр". У Расеі растлумачылі, што гэта "асіметрычны адказ" на разгортванне элементаў ПРА ЗША ў Еўропе, а таксама мяжа супраць НАТА. Колькі "Іскандэраў" купіць Беларусь, пакуль не паведамлялася, але вядома, што яна атрымае іх па льготных цэнах.
Характарыстыкі ЗРК С-400 "Трыумф"
Зенітна-ракетны комплекс (ЗРК) С-400 "Трыумф" прызначаны для замянення ЗРК сямействаў С-300 і С-200 і валодае падвышанай эфектыўнасцю пры барацьбе з новымі тыпамі мэт – лятальнымі апаратамі, выкананымі з выкарыстаннем тэхналогіі Stealth, маларазмернымі крылатымі ракетамі, а таксама балістычнымі ракетамі, радыус дзеяння якіх не перавышае 3500 км, а хуткасць палёту не перавышае 4,8 км/с. На адной пускавой усталёўцы могуць размяшчацца 4 ракеты звышвялікай далёкасці (да 400 км). Яна можа знішчаць самалёты за межамі радыёбачнасці наземных лакатараў навядзення.
Палігонныя выпрабаванні ЗРК C-400 праводзіліся на палігоне Капусцін Яр з пачатку 1999 года па травень 2003 года. Сістэма C-400 стваралася кааперацыяй распрацоўнікаў, у якую ўваходзяць цэнтральнае КБ "Алмаз", Машынабудаўнічае КБ "Факел", Навасібірскі НДІ вымяральных прыбораў, КБ спецыяльнага машынабудавання і іншыя прадпрыемствы. Па крытэры "эфектыўнасць" "Трыумф" амаль у 3 разы пераўзыходзіць аналагічныя ўзоры, якія цяпер знаходзяцца на ўзбраенні.
Напісаць каментар (20)
Навіны
па тэме
