У Магілёве прадпрымальнікі выйшлі на плошчу
5- 3.01.2008, 11:34
Сёння больш за 150 індывідуальных прадпрымальнікаў рынкаў Магілёва выйшлі на цэнтральную плошчу горада перад будынкам аблвыканкама, паведамляе Радыё Свабода.
Акцыя пратэсту накіраваная супраць прэзідэнцкага ўказу № 760, пункт 1.1 якога забараняе ІП выкарыстоўваць у якасці наёмных працаўнікоў асоб, якія не з'яўляюцца членамі сям'і або блізкімі сваякамі. Да 31 снежня 2007 года ІП павінны былі звольніць такіх працаўнікоў.
Удзельнікі акцыі патрабуюць перамоваў з кіраўніцтвам аблвыканкама. Мяркуюць, што грамадскі савет прадпрымальнікаў перадасць у аблвыканкам калектыўны зварот.
