Палітвязьня Зьдзьвіжкова паклалі ў турэмны шпіталь
18:16, — Палітыка
Пра гэта стала вядома “Радыё Свабода” пасьля таго, як маці журналіста Ганна Зьдзьвіжкова наведала менскі сьледчы ізалятар.
Перадачу для сына ў маці там не прынялі, адправіўшы жанчыну ў менскую калёнію на вуліцы Кальварыйскай, дзе знаходзіцца рэспубліканскі турэмны шпіталь.
«Там таксама перадачу не прынялі. Сказалі прыходзіць у сераду, калі ў шпіталі прыёмны дзень. Тады ж дактары раскажуць, чаму сына паклалі ў шпіталь», — сказала Ганна Зьдзьвіжкова для Радыё Свабода.
Месяц таму Менскі гарадзкі суд прызнаў журналіста вінаватым у распальваньні рэлігійнай варожасьці і пакараў трыма гадамі зьняволеньня.
У судзе Аляксандар Зьдзьвіжкоў заявіў пра перасьлед паводле рэлігійных прычын. Шмат хто ў Беларусі і сьвеце дамагаецца вызваленьня А.Зьдзьвіжкова, лічачы яго вязьнем сумленьня.
У лютым 2006 году ў газэце «Згода», якой часова кіраваў А.Зьдзьвіжкоў, былі перадрукаваныя карыкатуры на прарока Мухамада.
Навіны
па тэме
- “Amnesty International” заклікае вызваліць Зьдзьвіжкова
- Карыкатуры на Мухамеда захаваюць у дацкай бібліятэцы
- Почему Сдвижкова не приговорили к повешенью (дополнено)
- Желая польстить президенту Ирана, Лукашенко идет на крайние меры
- ОБСЕ осуждает арест редактора «Згоды» за карикатуры
- За карыкатуру на прарока Мухамеда рэдактара газеты пасадзілі на 3 гады
Закладкі
