Вольга і Юлія Казуліны: Будзем разам у нашым горы!
61
11:40, — Палітыка
Дочкі палітвязня Аляксандра Казуліна, Вольга і Юлія, звярнуліся да беларусаў з заклікам выйсці сёння а 18 гадзіне на Кастрычніцкую плошчу Менска з свечкамі і партрэтамі іх маці – Ірыны Казулінай, памерлай 23 лютага.
«Людзі Беларусі! Мы звяртаемся да вас у вельмі цяжкую хвіліну для нашай сям'і – мы страцілі нашу любімую маці. Сёння да нас прыходзяць, тэлефануюць і пішуць мноства людзей з выказваннем спачування ў нашым горы. Нашы сэрцы рвуцца на часткі. Мы не можам пахаваць маці без нашага бацькі. Мы ўдзячныя вам за вашу падтрымку і ўдзел. Будзем разам у гэты цяжкі час! Прыходзьце сёння, 25 лютага, а 18 гадзіне з свечкамі на Кастрычніцкую плошчу. Успомнім Ірыну Казуліну, ушануем яе памяць!» – гаворыцца ў заяве.
Паплечнікі Аляксандра Казуліна таксама прапаноўваюць людзям з рэгіёнаў выходзіць на галоўныя плошчы сваіх гарадоў з свечкамі і партрэтамі Ірыны Казулінай і ўшанаваць памяць мужнай жанчыны, якая аддала сваё жыццё ў барацьбе за нашу і вашу свабоду.
Жонка палітвязня, экс-кандыдата ў прэзідэнты Аляксандра Казуліна, Ірына, сканала 23 лютага ў 19.40 па менскім часе. 48-гадовая жанчына пакутавала на анкалагічнае захворвання. Ёй рэзка стала дрэнна, «хуткая дапамога» не давезла Ірыну Казуліну да шпіталя.
Нагадаем, што Аляксандр Казулін два гады знаходзіцца ў зняволенні. Палітыка асудзілі на 5,5 гадоў пазбаўлення свабоды за акцыі пратэсту супраць фальсіфікацыі вынікаў прэзідэнцкіх выбараў у сакавіку 2006 года. Вызвалення палітыка патрабуе ўвесь свет. Аляксандр Лукашэнка гэтымі днямі прызнаўся, што яму вядома пра хваробу Ірыны Казулінай, тым не менш палітвязня не вызвалілі.
Фота Ирыны Казулінай (65 кб., (c) Юлія Дарашкевіч)
Фота Ирыны Казулінай (230 кб., (c) Bymedia.net)
Напісаць каментар (61)
Навіны
па тэме
