Замест Чэрвенcкага рынку ў Менску будзе іранскі гатэль
2
15:46, — Грамадства
Іранская кампанія DIDAS Co гатовая выдаткаваць да $200 млн у стварэнне шматфункцыянальнага комплексу на базе Чэрвенскага рынку ў Менску, паведаміў на прэс-канферэнцыі ў Менску старшыня кіравання Белкаапсаюза Уладзімір Куляшоў.
"Кіраванне Белкаапсаюза правяло перамовы з іранскай будаўніча-інвестыцыйнай кампаніяй DIDAS Co і дасягнула папярэдняй дамоўленасці аб сумеснай рэалізацыі інвестыцыйнага праекту па праектаванні і будаўніцтва ў Менску на базе Чэрвенскага рынку шматфункцыянальнага грамадска-дзелавога і гандлёва-сэрвіснага комплексу", – сказаў У.Куляшоў.
Як падкрэсліў старшыня кіравання Белкаапсаюза, дадзены праект пакуль знаходзіцца на стадыі разгляду і ўзгаднення. У той самы час ён паведаміў, што ў красавіку гэтага года ў Тэгеране плануецца падпісанне мемарандума аб паразуменні паміж Белкаапсаюзам і кампаніяй DIDAS Co. Дадзены дакумент стане асноватворным дакументам для падпісання інвестыцыйнай дамовы па рэалізацыі дадзенага праекту.
Як паведаміў У.Куляшоў, іранская кампанія прапаноўвае пабудаваць комплекс, які складаецца з 4-павярховага гандлёва-сэрвіснага цэнтра, 20-павярховага офісна-гасцінічнага цэнтра і падземнага паркінга на 2000 машынамесцаў. Пры гэтым іранскі бок распрацуе дызайн-канцэпцыю рэканструкцыі рынку і забяспечыць неабходную для будаўніцтва тэхніку і матэрыялы.
