Джордж Буш падтрымаў Джона Макейна
8:50, — У свеце
Прэзідэнт ЗША Джордж Буш у сераду абвясціў пра падтрымку кандыдата ў прэзідэнты ад Рэспубліканскай партыі Джона Макейна, паведамляе агенцтва France Presse. Буш заявіў, што Макейн валодае ўсімі якасцямі, неабходнымі для кіравання краінай і выказаў упэўненасць, што ён атрымае перамогу на прэзідэнцкіх выбарах.
Буш таксама адзначыў, што абарона амерыканскага народа – першарадная задача прэзідэнта ЗША і Макейн гэта разумее. Па словах памочнікаў прэзідэнта, Буш пастараецца аб'яднаць скептычна настроеных рэспубліканцаў у падтрымцы Макейна і забяспечыць падтрымку фінансавання перадвыбарнай кампаніі рэспубліканцаў.
Як нагадвае агенцтва, Макейн быў асноўным супернікам Джорджа Буша на прэзідэнцкіх выбарах 2000 года, аднак ужо ў 2004 годзе, калі Буш быў перавыбраны на другі тэрмін, ён выказаў яму сваю падтрымку і пасля стаў адным з самых рашучых прыхільнікаў вайны ў Іраку.
Паводле вынікаў праймерыз рэспубліканцаў у Тэхасе, Агайо, Род-Айлендзе і Вермонце Джон Макейн набраў 1195 галасоў і забяспечыў сабе вылучэнне ў прэзідэнты ЗША ад Рэспубліканскай партыі. Для таго каб стаць адзіным кандыдатам, яму неабходна было набраць 1191 голас.
Навіны
па тэме
