Каманда Салея выйграла, а клуб братоў Касціцыных прайграў
1
18:27, — Спорт
Клуб НХЛ "Каларада", за які выступае баларус Руслан Салей, выйграў у "Мінесоты" ў пятым матчы 1/8 фінала Кубка Стэнлі.
"Каларада" атрымаў перамогу ў гасцях з лікам 3:2. Цяпер агульны лік у серыі да чатырох перамог стаў 3:2 на карысць каманды Салея.
А вось "Манрэаль", за які выступаюць браты Сяргей і Андрэй Касціцыны, дома з буйным лікам прайграў "Бостану" - 1:5. У серыі па-ранейшаму наперадзе "Манрэаль" - 3:2.
Чарговыя матчы "Манрэаль" і "Каларада" правядуць 19 красавіка.
