«Беларусбанк» - рызыкоўная крэдытная гульня
3
9:38, — Эканоміка
"Беларусбанк" шукае замежнага інвестара. Кажуць, не ад добрага жыцця. Ужо цяпер найбуйны банк Беларусі не можа своечасова адплаціцца са сваімі крэдыторамі.
Запазычанасць ААТ "АСБ Беларусбанк" перад замежнымі банкамі і фінансавымі кампаніямі па звязаных крэдытных рэсурсах за студзень-сакавік павялічылася на 40 мільёнаў даляраў. На 1 красавіка (у эквіваленце) пазыка склала 239,6 мільёнаў даляраў.
У параўнанні з аналагічным перыядам 2007 года рост дадзенага паказніка ў першым квартале гэтага года склаў 144,3%, што сведчыць пра складаную і нават крытычную сітуацыю ў галоўным банку краіны. Пакуль кіраўніцтва банка не тлумачыць, як збіраецца гасіць пазычанасць. Магчыма, трывога экспертаў заўчасная, піша "Белорусский партизан".
Завінавачанасць банка па незвязаных пазыках склала $230 млн., у тым ліку па сіндыкаваных крэдытах - $105 млн., крэдытных нотах (LPN) - $125 млн.
Несваечасовая праплата па раней узятых крэдытах можа сарваць сёлетнія планы банка па прыцягненні замежных крэдытных рэсурсаў. ААТ "АСБ Беларусбанк" у гэтым годзе плануе прыцягнуць $800 млн. замежных крэдытных рэсурсаў. У прыватнасці, банк плануе выпусціць у гэтым годзе еўрааблігацыі на суму $300 млн. і прыцягнуць субардынаваны крэдыт на пяць гадоў у аб'ёме $50 млн. Да таго ж, у 2008 годзе плануецца дадатковая эмісія акцый у памеры да 15% статутнага фонду і рэалізацыя іх замежным інвестарам.
Эксперты ўжо даўно адзначалі, што беларуская дзяржава агулам і найбуйны дзяржаўны банк - "Беларусбанк" – здзяйсняюць надзвычай рызыкоўныя крэдытныя пазыкі. У пагоне за дадатковымі рэсурсамі стрымальныя фактары, ацэнкі рызыкі і бяспекі, перасталі граць галоўную ролю.
