Дзе сумленьне?
22
16:17, — Палітыка
Супрацоўнік спецпрыёмніка-размеркавальніка на Акрэсціна Аляксандр Дулуб патрабуе ад палітвязьня Сяргея Парсюкевіча 2 мільёна рублёў кампэнсацыі маральнай шкоды.
Па ягоных словах, 26 студзеня ён нібыта ня змог пайсьці ўвечары дзяўчыны, бо нібыта залечваў раны. Ён сказаў, што няёмка было езьдзіць у транспарце зь сінякамі на твары, паведамляе “Наша Ніва”. "Людзі думалі, што я нейкі хуліган, а як патлумачыць, што гэта ня так?".
Прысутныя на судзе людзі пачалі абурацца са слоў Дулуба, які патрабаваў кампэнсацыі маральнага ўрону. У адказ судзьдзя Уладзімір Аўдзеенка пастанавіў усіх выдаліць з залі і весьці справу толькі з удзельнкамі працэсу. Не дазволілі застацца нават жонцы Парсюкевіча і яго дзіцёнку. Такім чынам у залі паседжаньняў засталіся судзьдзя, пракурор (малады хлопец векам 25-26 гадоў, адвакат, абвінавачаны і пацярпелы, паведаміла “Радыё Свабода”.
Прадпрымальнік Алесь Таўстыка зьвярнуўся да старшыні суду Анатоля Савіча з просьбай, каб гледачоў зноўку пусьцілі ў залю паседжаньняў. Працэс аднавіўся з удзелам публікі. Выступіў пракурор Сяргей Кунаш і падтрымаў абвінавачваньне. Для Сяргея Парсюкевіча ён патрабаваў 3 гады турмы.
Нагадаем, што Алесь Таўстыка сёньня пацвердзіў паказанні падсуднага Парсюкевіча. Па ягоных словах, міліцыянт Дулуб уварваўся у камэру, у зьняважлівай форме загадаў падняцца, ударыў па нагах Парсюкевіча, вывеў яго з камэры, а праз 10 хвілінаў усе пачулі крыкі “Помогите, убивают!”. Таўстыка заявіў, што Аляксандра Дулуб, які прызнаны ў справе пацярпелым, баіцца адказнасьці за свае дзеяньні, таму паклёпнічае на Парсюкевіча.
Напісаць каментар (22)
