МУС Літвы аспрэчыў інфармацыю пра аварыю на Ігналінскай АЭС
11:50, — Грамадства
Інфармацыя пра аварыю на Ігналінскай АЭС, якая з'явілася ўчора, не адпавядае рэчаіснасці.
Пра гэта заявіў сёння на прэс-канферэнцыі ў Менску намеснік дырэктара дэпартамента пажарнай бяспекі і выратавання пры МУС Літвы Вігандас Куркуліс, паведамляе БелТА.
"Падтрымліваецца сталая сувязь з аператыўнай службай атамнай станцыі. Сітуацыя знаходзіцца пад кантролем, і ніякіх зменаў у працы аб'екта не адбылося. Гэта было пацверджана і ўчора ўвечары. Таму падставаў турбавацца няма", - падкрэсліў ён.
"У той жа час гэты выпадак стаў добрай праверкай працы каналаў сувязі паміж краінамі па абмене інфармацыяй", - сказаў Вігандас Куркуліс.
