З якой мэтай едзе ў Менск миністр абароны Расеі?
6- 28.04.2008, 14:35
У Менск з афіцыйным візітам 29 красавіка прыбывае міністр абароны Расейскай Федэрацыі Анатоль Сердзюкоў.
Аб гэтым паведамілі "Інтэрфаксу" ў прэс-службе Мінабароны Беларусі. Візіт працягнецца да 30 красавіка.
"Пад час візіту ў фармаце "адзін на адзін" з расейскім калегай сустрэнецца міністр абароны Беларусі генерал-палкоўнік Леанад Мальцаў. 30 красавіка кіраўнікі ваенных ведамстваў дзвюх краінаў прымуць удзел у чарговым паседжанні сумеснай калегіі міністэрстваў абароны Беларусі і Расеі", паведамілі ў прэс-службе.
Пад час паседжання калегіі плануецца разгледзець пытанні падрыхтоўкі праектаў міжурадавых дамоваў аб сумесным тэхнічным забеспячэнні рэгіянальнага групавання войскаў і аб узаемадзеянні ў галіне радыёэлектроннай барацьбы.
Міністр абароны Расейскай Федэрацыі таксама наведае Менскі завод колавых цягачоў і ДНВА "Агат".
