Беларусь стала адной з самых няшчасных краінаў
4
12:28, — Грамадства
Інтэрнэт-партал World Database of Happiness (Сусветная база звестак пра шчасце) выклаў вынікі даследаванняў, у якіх назваў самыя шчаслівыя і няшчасныя краіны свету.
Аўтары працы разглядалі 95 дзяржаваў. Сярод самых няшчасных краінаў першымі сталі Беларусь і Малдова. Пасля значацца Узбекістан, Руанда і Зімбабвэ.
Паводле атрыманых звестак, першыя пазіцыі ў незвычайным хіт-парадзе шчаслівых краінаў займаюць Швейцарыя і Данія. За імі ў рэйтынгу ідуць Аўстрыя, Ісландыя, Фінляндыя, Аўстралія, Швецыя, Канада, Гватэмала, Люксембург, Ірландыя, Мексіка і Нарвегія.
World Database of Happiness - інтэрнэт-партал, дзе сабраны матэрыялы, прысвечаныя навуковаму вывучэнню шчасця. Ён кіруецца універсітэтам Эразма Ратэрдамскага ў Нідэрландах і Рутам Вэнховэнам - сацыёлагам і псіхолагам. Вэнховэн зацікавіўся пытаннем, што такое шчасце і як яго дасягнуць, калі быў яшчэ студэнтам. У канцы 90-х гг. ён заснаваў свой партал у Інтэрнэце, куды рэгулярна выкладаюцца псіхалагічныя і сацыялагічныя даследаванні па гэтым актуальным пытанні.
Навуковец лічыць, што галоўная перадумова для шчаслівага жыцця - жыць у слушнай краіне. Менавіта таму значнае месца ў яго працах надаецца рэйтынгу самых шчаслівых дзяржаваў. Пераможцы змяняюцца з году ў год, аднак агульная тэндэнцыя застаецца відавочнай: лепш за ўсё пачуваюцца жыхары стабільных краінаў Еўропы.
Яшчэ адна цікавая тэндэнцыя, якую адзначае World Database of Happiness, датычыць змены самаадчування еўрапейцаў пачынаючы з апошняй траціны мінулага стагоддзя. Так, на думку Рута Вэнховэна, узровень задаволенасці людзей падвысіўся ад 1975 г. у большасці заходніх краінаў.
