Глеб будзе гуляць за «Барселону»
5- 29.05.2008, 11:11
Іспанскі клуб "Барселона" узмоцніцца беларускім паўабаронцам ангельскага "Арсенала".
Гулец і яго агент Мікалай Шпілеўскі сустрэліся са спартовым дырэктарам каталонцаў Чыкі Бэгірыстайнам у Кайзэрслаўтэрне, дзе зборная Беларусі сустракалася з Нямеччынай у таварыскім матчы.
Нягледзячы на тое, што цяпер у Глеба дзейнічае дамова з Кананірамі, "Арсенал" гатовы адпусціць футбаліста за 20 млн.еўра.
Пра пераход Глеба ў "Барселону" можа быць абвешчана ўжо на гэтым тыдні, паведамляе El Mundo Deportivo.
Каталонскі клуб працягвае актыўную трансферную палітыку пасля прыходу на трэнерскую пасаду каманды Хасэпа Гвард’ёлы. Сіне-гранатавыя ўжо паспелі падпісаць хаўбека "Севіллі" Сэйду Кейта і абаронцу "Манчэстэр Юнайтэд" Жэрара Пікэ.
