Нават адзін дэмакратычны дэпутат зможа кантраляваць выканаўчую ўладу?
2
9:00, — Палітыка
Кандыдаты ў дэпутаты ад Аб'яднаных дэмакратычных сіл паспрабуюць узяць выканаўчую ўладу пад грамадскі кантроль. Такі лейтматыў звароту да народа кандыдатаў у дэпутаты "палаты прадстаўнікоў" са спісу дэмакратаў, праект якога зацверджаны 7 траўня на паседжанні Прэзідыума Палітрады АДС
Шырокай грамадскасці дакумент будзе прапанаваны ўжо на наступным тыдні.
На думку лідэраў АДС, толькі там, дзе ёсць парламенцкая апазіцыя і вольная прэса, улады не дазваляюць сабе падманваць выбарцаў. Таму, як адзначаецца ў праекце звароту, "нават адзін дэпутат ад АДС, абраны ў "палату прадстаўнікоў", зможа перашкодзіць няпраўдзе і несправядлівасці. Прысутнасць некалькіх дэпутатаў дазволіць усталяваць жорсткі кантроль над дзеяннямі ўладаў".
Прэзідыўм АДС таксама разгледзеў на сваім паседжанні варыянты паводзінаў кандыдатаў у дэпутаты з адзінага спісу ў выпадку розных варыянтаў развіцця грамадска-палітычнай сітуацыі.
Нагадаем, што на гэты момант праца над спісам кандыдатаў у дэпутаты ад АДС практычна скончана. У спіс могуць уносіцца толькі нязначныя карэктывы, аднак прынцыповых зменаў і ратацыяў у ім не будзе.
