У Беларусі не працуюць міжнародныя перавозчыкі FedEX і UPS
35
17:44, — Грамадства
Міжнародныя кампаніі UPS, FedEX, TNT і DHL не з’яўляюцца паштовымі перавозчыкамі на тэрыторыі Рэспублікі Беларусь.
Такая абвестка з’явілася ў Нацыянальным аэрапорце «Менск».
Першым тэму з праблемай атрымання пасылак праз кампаніі UPS, FedEX, TNT і DHL падняў у сваім блогу вядомы беларускі драматург Мікалай Халезін. У інтэрв’ю прэс-цэнтру Хартыі’97 Халезін распавёў аб складанасцях, з якімі давялося сутыкнуцца беларусам.
-- Сусветныя сеткі паштовых службаў зусім недаступныя беларускім спажыўцам. Гэта ставіць нас ва ўмовы, калі краіна становіцца абсалютным ізгоем нават у такім пытанні, як паштовыя перасылкі. І нават, калі чалавек перасылае нам з-за мяжы праз нейкую з сетак пасылку і аплочвае павышаны тарыф, гэта ўсё роўна не значыць, што мы атрымаем яе ў рукі. Яму прыйдзецца ехаць за 30 кіламетраў ад Менску ў аэрапорт, каб растамажываць сваю сціплую сямейную пасылку ў адной чарзе з людзьмі, якія растамажваюць эшэлоны тавара. Гэта прымушае людзей адмаўляцца ад атрымання гэтых пасылак. На сёняшні дзень колькасць «адмоўнікаў» перавышае 70 адсоткаў. Я гэта звязваю з тым, што беларускі ўрад не хоча пушчаць на рынак канкурэнтаў і хоча мець татальны кантроль над рэчамі, што перасылаюцца. Пры гэтым вядома, што ў пасылках такога кшталту ніхто не перасылае нічога забароненага, таму што пры адпраўцы іх старанна правяраюць, -- паведаміў прэс-цэнтру Хартыі’97 Мікалай Халезін.
Напісаць каментар (35)
