Беларусь прэтэндуе на апошняе месца ў рэйтынгу свабоды прэсы
1
13:49, — Свабода слова
Прыняцце новага закона аб СМІ у Беларусі прывядзе да таго, што Беларусь у рэйтынгу свабоды прэсы, усталяваным праваабарончай арганізацыяй Freedom of the Press, будзе адкінутая ніжэй за займанае ёю у 2008 годзе 188 месца са 195 доследных краін свету.
Так лічыць намстаршыні БСДП (Грамада) юрыст Ігар Рынкевіч. "Прыняцце закона прывядзе да інфармацыйнага таталітарызму ў краіне. Мабыць, зараз да нас паедуць на стажыроўку па вывучэнні прыгнечання свабоды інфармацыі чыноўнікі з Узбекістана і Туркменістана", - выказаў здагадку палітык.
Ён адзначыў, што "заканадаўчае ўзмацненне жорсткасці дзейнасці СМІ, якое рыхтуецца зараз, татальнае", яно распаўсюдзіцца на ўмовы рэгістрацыі СМІ, акрэдытацыю журналістаў, адказнасць за распаўсюджванне інфармацыі, функцыянаванне інтэрнэт-рэсурсаў.
І.Рынкевіч таксама лічыць, што "урад пабаяўся даверыць дэпутатам парадкаванне працы інтэрнэт-выданняў праз закон, пакінуўшы сабе такое права праз падзаконныя акты, каб аператыўна рэагаваць на дзеянні інтэрнэт-супольнасці".
"Імклівасць, з якой дэпутатаў прымушаюць прыняць, па сутнасці, новы закон аб СМІ нагадвае форс-мажорны рэжым прыняцця напярэдадні прэзідэнцкай кампаніі 2006 года драконаўскіх нормаў у крымінальны кодэкс. Патэнцыял будучыні закона аб СМІ гэтак жа рэпрэсіўны: у ім мноства не прававых нормаў, а мін і фугасаў, на якіх "падарвуць" незалежных журналістаў і апазіцыйных палітыкаў, прычым ужо на так званых парламенцкіх выбарах", - упэўнены Ігар Рынкевіч.
Як мы ўжо паведамлялі, новы законапраект аб СМІ паступіў у «ніжнюю палату» беларускага «парламента» толькі 10 чэрвеня і будзе разгледжаны 17 чэрвеня.
