21.07.2008

Міліцыя працягвае пошукі дзіўнай «касматай істоты» 20

15:43, — Грамадства

Супрацоўнікі РУЎС Лідскага раёна (Гарадзенская вобласць) правялі вышуковыя мерапрыемствы і аднеслі інфармацыю аб тым, што ў раёне з'явілася дзіўная касматая істота, якае бегае па кукурузных палях, да разраду здагадак.

"Ніякіх слядоў знаходжання дзіўнай істоты не выяўлена. Мы высвятлялі гэтую інфармацыю, нягледзячы на тое, што афіцыйна ў міліцыю ніхто не звяртаўся", - паведамілі агенцтву "Інтэрфакс- Захад" у РУЎС Лідскага раёна. Па словах суразмоўцаў агенцтва, "участковы інспектар апытаў чалавека, які нібы бачыў касматую істоту". "Ён вельмі маляўніча і падрабязна апісаў незразумелую істоту, якая сядзела на яблыні і ела няспелыя плады. Аднак рабіць высновы, засноўваючыся толькі на аповядзе гэтага ўразлівага чалавека, нельга", - адзначылі ў РУЎС.

"Былі аповяды некалькіх падлеткаў, якія нібы бачылі, як па кукурузных палях бегае незразумелая істота. Гэтая інфармацыя таксама з разраду фантазій. Некаторыя дзеці, як і дарослыя з асаблівасцямі псіхікі, схільныя да фантазій", - адзначылі ў РУЎС.

Пры гэтым там падкрэслілі, што інфармацыі, што з нейкага заапарка ў Гародні збегла малпа, няма.

У сваю чаргу ў сельскім савеце, на тэрыторыі якога нібыта знаходзіцца гэтая істота, паведамілі: "Чуткі аб тым, што хтосьці бегае па палях, ходзяць ужо некалькі тыдняў. Кагосьці касаматага нібыта бачылі дзеці". "Ад дарослых, якія стала ходзяць у лес за ягадамі, а таму не баяцца за кожным дрэвам убачыць нешта страшнае, інфармацыі не было", - паведамілі ў сельсавеце.

Па звестках крыніцы, які пажадаў застацца неназваным, "дзіўная істота ўжо перамясцілася на тэрыторыю суседняга Вараноўскага раёна". Разам з тым у РУЎС Вараноўскага раёна паведамілі: "Пакуль сігналаў аб тым, што на тэрыторыі раёна знаходзіцца незразумелая істота, не паступала". "Калі паступяць, пачнем высвятляць", - дадалі ў РУЎС.

Напісаць каментар (20)

Экспарт