У Балівіі разбіўся верталёт прэзідэнта краіны. Верталёт паставіла Венесуэла

Венесуэльскі вайсковы верталёт, якім часта карыстаўся ў паездках прэзідэнт Балівіі Эво Маралес, пацярпеў крушэнне.

Балівійскага лідэра ў момант аварыі на борце не было. Пры аварыі пяць чалавек загінулі, паведаміла РИА Новости.

Маралес выкарыстоўваў верталёт Super Puma у мінулую суботу і планаваў зноў ляцець на ім сёння, паведміў міністр абароны Балівіі Ўоклер Сан Мігель.

Верталёт разбіўся ў нядзелю, калі здзяйсняў пералёт паміж балівійскімі гарадамі Качабамба и Кабіха.

Хто менавіта знаходзіўся на борце, не ўдакладняецца.