НЗ у Менску: стралялі па маршрутным аўтобусе
10
11:33, — Крымінал
П'янага менчука, які абстраляў з пнеўматычнага пісталета маршрутны аўтобус, затрымалі і змясцілі ў псіхіятрычную лякарню.
Аб гэтым паведамілі агенцтву "Інтэрфакс-Захад" у РУУС Першамайскага раёна.
"У адносінах менчука, які пагражаў пнеўматычным пісталетам кіроўцу рэйсавага аўтобуса і потым абстраляў яго, узбуджаная крымінальная справа за хуліганства", - паведамілі ў РУУС.
Па словах суразмоўцаў агенцтва, папярэдне ўсталявана, што "дадзены менчук, знаходзячыся ў стане алкагольнага ап'янення, праспаў у аўтобусе свой прыпынак.
Прачнуўшыся, дастаў пнеўматычны пісталет, стаў пагражаць кіроўцу, выгнаў з салона пасажыраў, пасля чаго выйшаў сам з салона аўтобуса". У той момант, калі п'яны пасажыр адцягнуўся на шум ззаду сябе, кіроўца зачыніў дзверы аўтобуса і з'ехаў, распавялі ў РУУС. "Мужчына абстраляў з пнеўматычнага пісталета з'язджаючы аўтобус. Пасажыры, якіх ён выгнаў з аўтобуса, выклікалі міліцыю", - распавялі ў РУУС.
Там ўдакладнілі, што "затрыманы змешчаны ў псіхіятрычнае аддзяленне, каб усталяваць ступень наяўнасці ягонай свядомасці". Па словах суразмоўцаў агенцтва, "калі падазраваны праспаўся, ён заявіў, што нічога не памятае".
Напісаць каментар (10)
