Перадвыбарчы кліп Сяргея Міхалка (Аўдыё)
9
9:45, — Культура
Здымкі кліпа «Маніфест», якія адбыліся пад Менскам, сталі самымі маштабнымі за ўсю гісторыю грурта «Ляпіс Трубяцкі».
Для адной са сцэнаў у бліжэйшым калгасе быў арандаваны цэлы статак кароваў (каля 300 галоў!) з двума пастухамі і двума сабакамі ў дадатак.
У іншым эпізодзе знялося роўна 50 свінняў, таксама ў здымачным працэсе былі задзейнічаныя сапраўдныя алені, зайцы, бабры і яноты. Усе гэтыя жывёлы сыгралі ролю электарата, перад якім выступаў з перадвыбарчымі прамовамі «палітык» Сяргей Міхалок – і гэта тое нямногае, пра што атрымалася даведацца пра сюжэт кліпа сайту livesound.by.
Іншыя падрабязнасці сцэнара трымаюцца ў найвялікшым сакрэце, паколькі, па словах рэжысёра роліка Мацвея Сабурава, «галоўным у гэтым кліпе будзе эфект нечаканасці». «Я думаю, што фінал відэа не прадкажа ніхто. Асабліва – паглядзеўшы яго пачатак» – лічыць Сабураў.
Кліп «Маніфест» павінен з'явіцца на экранах ужо праз 10 дзён – да сусветнай «прэм'еры аднайменнай канцэртнай праграмы Ляпісаў, якая адбудзецца 14 верасня ў беларускім горадзе Віцебску. Сам альбом выйдзе ў кастрычніку. Студыйную версію песні «Маніфест» ужо можна пачуць на афіцыйным MySpace Ляпісаў – www.myspace.com/lyapis.
14 верасня ў Летнім амфітэатры Віцебску вялікі сольны канцэрт групы «Ляпіс Трубяцкі» з праграмай «Маніфест». Пачатак у 18.00. Квіткі ад 20 да 50 тысячаў у продажы ў Менску і Віцебску. Даведка і замова па тэл.: (017) 285 71 00, (029) 655 55 96, (033) 655 55 96.
Расклад цягнікоў да Віцебску з Менску, Масквы, Піцера і назад на сайце www.lyapis.com.
Навіны
па тэме
