Зянон Пазьняк: Пакуль «Усходнім партнэрствам» займаецца Лукашэнка – усё скончыцца пшыкам
7
9:43, — Палітыка
Заяву кіраўнікоў МЗС Беларусі, Літвы і Украіны пра намер стварыць адзіную энэргетычную прастору ў рамках «Усходняга партнэрства» камэнтуе старшыня КХП БНФ.
«Усё гэта добрыя намеры, але яны скончацца пшыкам, пакуль гэтым будзе займацца Лукашэнка. Гэта абсалютна правальная сытуацыя. Трэба зьмяніць унутраную абстаноўку. Пакуль будзе гэты рэжым, ніякіх вынікаў ня будзе. Ужо хутка год «Усходняму партнэрству» і вынікаў ніякіх, яшчэ стала горай. Таму што ўнутраная палітыка ідзе на вынішчэньне нацыі. А ў выніку такой палітыкі ніякіх посьпехаў ні ў эканоміцы, ні ў культуры, ні ў палітыцы ня можа быць дасягнута», -- кажа Зянон Пазьняк у інтэрв’ю «Радыё Свабода».
Нагадаем, што ў Кіеве была дасягнутая дамоўленасьць аб выкарыстаньні транзытных магчымасьцяў Беларусі ў пастаўках украінскай электраэнэргіі ў Літву. Таксама міністры замежных спраў абмеркавалі пытаньні працягу дыялёгу па бязьвізавым рэжыме, аб выкарыстаньні транзытных магчымасьцяў, разьвіцьці транспартнай інфраструктуры, уключна з будаўніцтвам аўтамагістралі «Мінск — Кіеў».
Сяргей Мартынаў пацьвердзіў працяг працы над дакумэнтам аб абсталяваньні беларуска-ўкраінскай мяжы. Акрамя таго кіраўнікі МЗС Беларусі, Украіны і Літвы дамовіліся супольна адзначыць угодкі Грунвальдзкай бітвы. Адначасна прэзыдэнт Украіны Віктар Юшчанка заявіў у сваім тэлезвароце, што Беларусь і Ўкраіна дамовіліся стварыць тандэм, каб разам прадстаўляць інтарэсы абедзьвюх краін у праграме «Усходняе партнэрства». Паводле Юшчанкі, краіны больш выйграюць разам, чым паасобку, калі пададуць на разгляд у межах «Усходняга партнэрства» пакет праектаў, якія датычаць дзьвюх краінаў.
Навіны
па тэме
- Власти проигнорировали конференцию по «Восточному партнерству»
- Козік вылучыў Мілінкевіча ў каардынатары ад Беларусі
- МИД Беларуси обвинил Евросоюз в политике «двойных стандартов»
- Грамадскія актывісты краін «Усходняга партнёрства» выступілі адзіным фронтам (Фота)
- Депутат Бундестага: Лукашенко нельзя позволить проводить «политику качелей»
Закладкі
