БелТА: Беларусы да сустрэчы года Тыгра ўпрыгожваюць не елкі, а котак

Афіцыйнае агенцтва паведамляе, што Год Тыгра лепш сустракаць у кампаніі тыгра.

Таму жыхары Сянно (Віцебская вобласць) вырашылі замяніць драпежнікаў на катоў. Пра гэта распавялі БелТА ў Сенненскім райвыканкаме.

Ініцыятыва мясцовых энтузіястаў сустрэць Новы год у таварыстве ўпрыгожаных хатніх гадаванцаў хутка спадабалася сенненцам. З асаблівым захапленнем яе падхапіла самая маладая частка насельніцтва. Дзеці з захапленнем прыдумляюць навагоднія касцюмы, строі, святочны макіяж і ўпрыгожванні для ручных тыгранятаў. У ход пойдзе ўсё: рознакаляровая мішура, каўпакі, пацеркі, стужкі, піша БелТА.

Далей агенцтва рэзюмуе: няма сумневаў, што ў пярэдадзень свята яркія агні лясных прыгажуняў, традыцыйна ўсталяваных на самім ганаровым месцы, на фоне наваз'яўленых франтаў будуць выглядаць вельмі бледна. Уся ўвага ў гэты дзень дастанецца катам. А ў якасці кампенсацыі за некаторую нязручнасць хатніх улюбёнцаў чакае адпаведная іх навагодняму статусу порцыя пачастунку і безліч ласкі.