Аварыя заблакавала цэнтральную вуліцу Менска (Фота)

ДТЗ адбылося ў нядзелю, на скрыжаванні вуліцаў Ульянаўская і Свярдлова.

Паводле папярэдніх звестак, чырвоны «Сітраэн» праязджаў скрыжаванне на высокай хуткасці і зачапіў «Вольва», паведамляе «Комсомольская правда в Беларуси».

Па словах камандзіра ўзвода ДАІ Ленінскага раёна Менска, паказанні сведак і кіроўцаў (удзельнікаў ДТЗ) кажуць пра тое, што «Сітраэн» выехаў на скрыжаванне на забараняльны чырвоны сігнал светлафора.

Ад удара «Сітраэн» перавярнуўся і праехаў на даху каля 10 метраў.

На шчасце, абыйшлося без ахвяраў. У машыне знаходзіліся два пасажыры: жанчына і дзіця. У іх нязначныя траўмы.

Дарэчы, на гэтым скрыжаванні ўсталяваныя камеры відэаназірання, так што менавіта яны дапамогуць высветліць прычыну аварыі.