Міхалок надаваў парад Ялфімаву перад «Еўрабачаннем»
19- 12.03.2009, 10:25
Салісты гурта «Ляпіс Трубяцкой» агучылі свае рэкамендацыі з нагоды строя Пятра Ялфімава на «Еўрабачанні».
Як вядома, беларускі ўдзельнік «Еўрабачання-2009» Пётр Ялфімаў церпіць некаторыя складанасці з гардэробам. Ужо вырашана, што Ялфімаў выйдзе на сцэну ў белых скураных штанах. А вось з нагоды «верха» ягоная каманда пакуль не вызначылася, адзначае «Комсомольская правда в Беларуси».
Саліст групы «Ляпіс Трубяцкі» Павел Булатнікаў прасякнуўся праблемай пошуку ўбора і параіў Пятру Ялфімаву выйсці на сцэну «Еўрабачання» па-мужчынску, гэта значыць топлес. Сваё меркаванне на гэты конт выказаў і Сяргей Міхалок:
«Я маленькая пешка і не магу даваць рпаады каралям, -- сказаў Міхалок. -- Але на Беларускім вакзале ў Маскве вельмі слізкая плітка, таму я раю Пятру прыляпіць да красовак нулёўку-наждачку… Каб не паслізнуцца. І жадаю яму поспеху!»