КДБ Беларусі пацвердзіў факт арышту гендырэктара заводу «Гомельшкло»
6- 9.06.2009, 13:12
Аператыўнай групай упраўлення Камітэта дзяржбяспекі па Гомельскай вобласці затрыманы і змешчаны ў следчы ізалятар генеральны дырэктар ААТ «Гомельшкло» Юрый Ільеў.
Аб гэтым паведамілі агенцтву "Інтэрфакс-Захад" у цэнтры інфармацыі і грамадскіх сувязяў (ЦІГС) КДБ.
"У адносінах Ільева Генеральнай пракуратурай Беларусі ўзбуджаная крымінальная справа па прыкметах злачынства, прадугледжанага часткай 3 артыкулу 430 Крымінальнага кодэкса Беларусі (атрыманне хабару). 27 мая 2009 года ён быў затрыманы. Вядзецца следства", - распавялі суразмоўцы.
"Ільеў неаднаразова атрымліваў грошы ад прадстаўнікоў камерцыйных структур за спрыяльнае рашэнне пытанняў, звязаных з рэалізацыяй прадукцыі. Толькі з 2004 па 2007 годы ён падазраецца ў атрыманні хабараў на суму не менш за $35 тысяч", - вядзецца ў паведамленні ЦІГС КДБ.
У КДБ таксама адзначылі, што ў поле зроку супрацоўнікаў дзяржбяспекі гендырэктар "Гомельшкла" патрапіў падчас аператыўна-вышуковых мерапрыемства, накіраваных на спыненне карупцыйных праяваў.
