Жыхар Жлобіна павесіўся з-за пройгрышу ў гульнявых аўтаматах

З дапамогай гульні малады чалавек хацеў паправіць сваё матэрыяльнае становішча.

Трагедыя адбылася ў Жлобіне. Знаёмыя сям'і маладога чалавека паведамляюць, што хлопец павесіўся пасля таго, як напярэдадні прайграў буйную суму грошай. Як стала вядома, у яго былі праблемы з выплатай крэдыту.

Варта адзначыць, што ў пачатку гэтага года бацька і сын забілі дальнабойшчыка і напалі на краму ў Светлагорскам раёне. Прычынай забойства таксама стаў пройгрыш буйной сумы грошай і ўзятага напярэдадні банкаўскага крэдыту на гульнявых аўтаматах.

Як паведамляе «Беларускі партызан», жыхары Жлобіна б'юць трывогу. За апошнія 1,5 гады ў горадзе з'явілася 9 кропак з «аднарукімі бандытамі», каля якіх часта адбываюцца бойкі і адбіраюць грошы.